08 April 2010
ജൂറി സംഗീതവും ശബ്ദവും തിരിച്ചറിയാത്തവര്‍ - റസൂല്‍ പൂക്കുട്ടി സംഗീതം അറിയുന്നവന്‍ ബ്രഹ്മം അറിയുന്നവനാണ്. ബ്രഹ്മം അറിയുന്നവന്‍ ബ്രാഹ്മണന്‍. അപ്പോള്‍ സംഗീതം അറിയുന്നവന്‍ ബ്രാഹ്മണന്‍. ഇത് മലയാളിയെ പഠിപ്പിച്ചത് സിനിമയാണ്. അപ്പോള്‍ പിന്നെ സംഗീതവും ശബ്ദവും അറിയാത്തവരെ എന്ത് വിളിക്കണം? സംഗീതവും ശബ്ദവും എന്താണെന്ന് തിരിച്ചറിയാത്ത വരാണ് ഇത്തവണ സംസ്ഥാന ചലച്ചിത്ര പുരസ്കാര നിര്‍ണ്ണയം നടത്തിയത് എന്ന് ഓസ്കാര്‍ പുരസ്കാര ജേതാവായ റസൂല്‍ പൂക്കുട്ടി പറയുമ്പോള്‍ മലയാളി ചിന്തിക്കുന്നത് ഇങ്ങനെയാവും.ഓസ്ക്കാര്‍ ജേതാവ്‌ റസൂല്‍ പൂക്കുട്ടിക്ക്‌ അവാര്‍ഡ്‌ നിരസിക്കാ നുണ്ടായ കാരണം പഴശ്ശി രാജയിലെ ശബ്ദ ലേഖനത്തില്‍ മലയാളിത്തം ഇല്ല എന്നതാണ്. മാത്രമല്ല, ഹംഗേറിയന്‍ സംഗീതം വരെ റസൂല്‍ പൂക്കുട്ടി ഉപയോഗി ച്ചിരിക്കുന്നതായും ജൂറി കമ്മറ്റി വിലയിരുത്തി. ഇതിനെതിരെ റസൂല്‍ പൂക്കുട്ടി ശക്തമായി പ്രതികരിചത് സംഗീതവും ശബ്ദവും എന്താണെന്ന് തിരിച്ചറിയാ ത്തവരാണ് ഇങ്ങനെ പറയുന്നത് എന്നാണ്. ശബ്ദത്തിനും, സംഗീതത്തിനും, സിനിമയ്ക്കും സംവദിക്കാന്‍ ഭാഷ ഒരു പരിമിതി ആവുന്നില്ല എന്ന് ലോക സിനിമയുടെ ചരിത്രം നമ്മെ പഠിപ്പിക്കുന്നുണ്ട്. എന്നാല്‍ മലയാള സിനിമയുടെ നിലവാരം താഴേക്ക്‌ എന്നാണ് ജൂറിയുടെയും വിലയിരുത്തല്‍. വിവാദങ്ങളില്‍ കുരുങ്ങാത്ത പ്രഖ്യാപനം ഇനിയെങ്കിലും ഉണ്ടാകുമോ? മലയാള സിനിമയുടെ നിരവാരം ഉയരുമോ എന്ന ചോദ്യങ്ങള്‍ ബാക്കിയാകുകയാണ്. Labels: awards
- ജെ. എസ്.
|
ഈ പേജ് പങ്ക് വെയ്ക്കാം
6 Comments:
സംഗീതം അറിയുന്നവന്‍ ബ്രാഹ്മണന്‍ എന്ന് ഏതു സിനിമയാണ് മലയാളിയെ പഠിപ്പിച്ചത് സര്‍? അപ്പോള്‍ സംഗീതം അറിയാത്തവന്‍ വെറും മ്ലേച്ഛന്‍ എന്നും പറയാമാല്ലോ അല്ലേ? അബദ്ധവും സാമൂഹ്യവിരുദ്ധവുമായ കണ്ടുപിടുത്തങ്ങള്‍ നടത്തുമ്പോള്‍ അല്‍പ്പം കൂടി ചിന്തിക്കുന്നത് നന്ന്. ഇനി, ചിന്തിക്കാനും ബ്രാഹ്മണനു മാത്രമേ കഴിയൂ എന്നോ മറ്റോ..
his highnes abdullayile dialog aanu ith
ബ്രാഹ്മണന്റെ വിപരീതം "വെറും മ്ലേച്ഛന്‍" എന്നാണോ?
അങ്ങനെ പറയാനും ചിന്തിക്കാനും ഇഷ്ടമുള്ളവര്‍ക്ക് അങ്ങനെ തോന്നുമായിരിക്കും.
ഇത്രയൊക്കെ ചിന്തിച്ചു കൂട്ടിയ ആള്‍ ബ്രാഹ്മണന്‍ തന്നെയാവും. സംശ്യല്യ...
ചിന്തിക്കാന്‍ ബ്രാഹ്മണനു മാത്രമേ കഴിയൂ എന്നല്ലേ?
raajeev saaru cinema kaanalille? ithu mohanlalinodu nedumudi venu his highness abdulla enna hit cinemayil paranjathanu. paranjittu kure kalamayi.
ബ്രാഹ്മണന്‍ എന്നത് ഒരു വല്യ കാര്യമാണ് എന്ന് നിരീച്ചാണ് രാജീവ്‌ അങ്ങനെ എഴുതിയത് എന്ന് നോം കരുതുന്നു. എന്നാല്‍ അത് ഒരു മോശം പദമാണ് എന്ന് വിചാരിക്കുന്ന കുറെ ആളുകള്‍ ഉണ്ട് എന്ന് ഓര്‍ക്കുക. ഉള്ളിലെ മൂരാച്ചി ഇടയ്ക്കൊക്കെ പുറത്തു വരുന്നത് എല്ലാര്‍ക്കും നല്ലതാണ്. അതോണ്ട് സാരല്യ ട്ടോ.
രജീവേട്ടനെ അറിയാതെ ഇത്രയും എഴുതിയല്ലോ അവസാനത്തെ അനോണീസേ.... അദ്ദേഹം മതവിശ്വാസിയല്ലെന്നുമാത്രമല്ല ശക്തമായ മതേതരവും മനുഷ്യത്വപരവുമായ കാശ്ചപ്പാട്‌ വച്ചുപുലർത്തുന്ന ഒരാളുമാണ്‌.
ഒരു കാലഘട്ടത്തിൽ നിലനിന്നിരുന്ന ചില വ്യവസ്ഥിതിയുടേയും ആചാരങ്ങളുടേയും ഭാഗമായി സവർണ്ണ വിഭാഗങ്ങൾ സംഗീതത്തെ തങ്ങളുടേതാക്കി വച്ചിരിക്കുകയായിരുന്നു.ബ്രഹ്മം എന്നത് ഈശ്വരൻ എന്ന അർത്ഥത്തിനു പകരം ബ്രാഹ്മണൻ എന്ന് വായിക്കുമ്പോൾ/വ്യഖ്യാനിക്കുമ്പോൾ (ഇത്തരം ഒരു വ്യാഖ്യാനം -ബൃമത്തെ അറിയുന്നവൻ ബ്രാഹ്മണൻ- ബ്രാഹ്മണ മേധാവിത്വം തങ്ങളുടെ സൗകര്യാർത്ഥം ഉണ്ടാക്കിയതാണ്‌) സംഗീതത്തിന്റെ കാര്യത്തിൽ മാത്രമല്ല അക്കാലത്തെ വാസ്തുകലയിലും ഇത് പ്രകടമായിരുന്നു. വാസ്തുവിൽ വിവിധ ദിക്കുകൾക്ക്‌ ജാതിപരമായ കാശ്ചപ്പാട്‌ നൽകിയിരുന്നു. ഏകയോനി ബ്രാഹ്മണനും ദ്വിയോനി ക്ഷത്രിയനും ത്രിദ്വീയം ശൂദ്രനും ചതുർയോനി ശൂദ്രനും എന്നായിരുന്നു അന്നത്തെ സങ്കൽപ്പം. കെട്ടിടങ്ങളുടെ വലിപ്പം ഉപയോഗിക്കുന്ന മെറ്റീരിയൽ എന്നിവയിലും ഈ വൈജാത്യം പ്രകടമായിരുന്നു.ഇതിനു ഉപോൽബലകമേകാൻ വിധ ദോഷങ്ങളും അവർ ചാർത്തിക്കൊടുത്തു.
Post a Comment
Subscribe to Post Comments [Atom]
« ആദ്യ പേജിലേക്ക്